2021 елның 12-23 апрелендә иммунопрофилактика мәсьәләләре буенча «кайнар линия» эшләячәк
Татарстан Республикасы буенча Роспотребнадзор Идарәсе тарафыннан Европа иммунизация атнасы – 2021 алдыннан иммунопрофилактика мәсьәләләре буенча 12-23 апрельдә «кайнар линия» ачылды.
«Кайнар линия» гә (843) 238-52-11, (84344) 2-74-55 телефоннары аша эш көннәрендә 10дан 16 сәгатькә кадәр мөрәҗәгать итәргә була.
Шулай ук тәүлек әйләнәсендә Бердәм консультация үзәге эшли. Шалтырату 8 800 555 49 43 телефоны буенча (шалтырату бушлай), ял көннәрсез кабул ителә.
Ел саен үткәрелә торган Европа иммунизация атнасы-кешеләрнең сәламәтлек һәм иминлек өчен иммунизациянең мөһимлеге турында хәбәрдарлыгын арттыруга юнәлдерелгән чара 2021 елның 26 апреленнән 2 маена кадәр узачак.
Быел Европа иммунизация атнасы яңа коронавирус инфекциясенә каршы көрәш контекстында аерым әһәмияткә ия. Европа регионының төрле илләрендә массакүләм вакцинация үткәрүне исәпкә алып, Европа иммунизация атнасы кысаларында кампания беренче чиратта кешеләргә COVID-19га каршы булган вакциналар турында хәбәр итүгә, шулай ук кешеләрдә булган сорауларга җаваплар бирүгә багышланачак.
2021 елда, планлы иммунизация белән беррәттән, эпидемия күрсәткечләре буенча прививкалар календаре кысаларында COVID-19га каршы иммунизациягә аерым игътибар биреләчәк. Бу елның кампаниясе җәмгыятебезнең нигезендә ята, тормышны саклап кала һәм сәламәтлекне саклый торган иҗтимагый байлык буларак вакциналаштыруга теләктәшлекне һәм ышанычны ныгытачак.
Агымдагы елда Европа иммунизация атнасы «Кисәтергә. Якларга. Прививка ясарга». Атна кысаларында чаралар һәр кешенең иммунизациясе авыруларны профилактикалау һәм тормышны саклау өчен мөһим әһәмияткә ия булган төп идеяне популярлаштыруга багышланачак.