«Россия кече ватанымнан башлана» - үзәк паркта төп дәүләт бәйрәменә багышланган тантаналы чара.
– Россия көне-илдә яшәүче барлык халыкларның бердәмлеге көне, - дип билгеләп үттеләр алып баручылар Наталья Егорова һәм Дмитрий Дмитриев.
Бәйрәм белән район башлыгы Камил Гыйлманов котлады:
- Россия көне- Ватаныбыз, Республикабыз һәм туган ягыбызның чәчәк атуы өчен хезмәт куючылар бәйрәме. Районда кешеләр тормышы яхшырсын, Аксубай һәм район авыллары матур булсын өчен күп эш башкарылды. Сезне чын күңелдән Россия көне белән котлыйм, сәламәтлек, яңа үрләр, оптимизм телим!
Руханилар исеменнән барлык катнашучыларны Аксубай районы мөхтәсибе ярдәмчесе Илнар хәзрәт Сафиуллин, Аксубай православие чиркәве руханисы Антоний Рыбочкин котлады, барлык халыкка сәламәтлек һәм тыныч күк йөзе теләделәр.
Аксубай район мәдәният йортының иң яхшы артистлары сәхнәдә чыгыш ясадылар, бөек Россия турындагы җырларында Ватанга, туган якка булган мәхәббәтләрен күрсәттеләр. Талантлы җырчылар: Татьяна Григорьева, Резедә Гатина, Оксана Илмухина, - һәр катнашучыга бирелгән җылының бер өлешен бүләк иттеләр.
14 яше тулган үсмерләргә тантаналы рәвештә паспортлар тапшырылды. Һәр россияле өчен иң мөһим документны мәктәп укучылары Аксубай муниципаль районы башлыгы Камил Гыйлманов кулыннан алдылар. Шулай ук паспортлар тапшыру һәм Россия көне белән ЭЭМның Аксубай районы буенча бүлегенең миграция пункты начальнигы полиция майоры Сөләйманова Гөлнара Давыт кызы да котлады.