Бөтендөнья кулланучылар хокукларын яклау көне
Ел саен 15 мартта Бөтендөнья кулланучылар хокукларын яклау көне билгеләп үтелә. Бәйрәм профессиональ даирәләрдә һәм җәмгыятьтә зур урын алды. Тантаналы чаралар ел саен билгеле бер темага багышлана. Аны Бөтендөнья кулланучылар берлеге оешмасы билгели. 2022 елда Consumers International җәмәгатьчелеккә цифрлы финанс хезмәтләре сегментында кулланучылар хокукларына игътибарны юнәлтергә тәкъдим итте, шуңа күрә 2022 елның 15 мартында Бөтендөнья кулланучылар хокукларын яклау көнен «Fair Digital Finance - «Гадел цифрлы финанс хезмәтләре» шигаре астында үткәрергә дигән карар кабул ителде.
Бөтендөнья пәрәвезенең барлыкка килүе һәм тиз үсеш алуы белән Интернет аша сәүдә тиз үсә башлады. Интернет-мошенниклык да тиз үсә башлады. «Шуңа күрә кеше интернет аша товар яки таныш булмаган сайтта хезмәт күрсәтүгә заказ бирергә карар иткән очракта, аңа башта мәгълүмат җыярга, алдагы сатып алучыларның фикерләрен укырга кирәк», -дип шәрехли ТР Дәүләт алкоголь инспекциясенең Түбән Кама территориаль органы әйдәп баручы белгеч-эксперты Ирина Ершова. Кулланучылар товарлар һәм хезмәт күрсәтүләр сатып алуга бәйле барлык бәхәсле хәлләр буенча бушлай консультацияләр, шулай ук претензияләр һәм дәгъва гаризалары проектларын төзүдә ярдәм итә алалар.
Тулырак мәгълүматны 2-93-21 телефоны буенча яки Аксубай штп, Ленин ур., 8 адресы буенча белергә мөмкин.