Аксубайда Украинада махсус операция вакытында батырларча һәлак булган Руслан Садыйков белән хушлаштылар
Бүген Аксубай районы өлкән матрос Руслан Садыйковны соңгы юлга озатты.
Украинада махсус операция вакытында һәлак булган аксубайлы белән саубуллашу чарасы Мәңгелек ут Һәм Азат итүче сугышчыга куелган һәйкәл янында узды. 20 яшьлек якташыбызны соңгы юлга озатырга йөзләгән кеше, район Советы һәм башкарма комитеты, Аксубай поселогы, дин әһелләре, хәрби комиссариат вәкилләре, дуслары, сыйныфташлары, Казан югары танк команда училищесы вәкилләре, Лубян урман-техник көллияте җитәкчелеге һәм студентлары килде.
Район башлыгы Камил Гыйлманов туганнарының һәм якыннарының кайгысын уртаклашты.
– Руслан – Ватаныбызның чын герое, батырлык, каһарманлык һәм намус, хәрби антка һәм бурычка тугрылык үрнәге. Ул беркайчан да чит кеше артына качмый. Кечкенәдән нык, көчле, батыр булып үсә, көрәш белән мавыга. Һәрвакыт үз иптәшләрен яклый, ярдәм кулы суза, – дип билгеләп үтте саубуллашканда Камил Гилманов.
Район башлыгы һәлак булган диңгез пехотачысының әти-әнисе – Евгения Юрьевна һәм Рамил Рафаил улы Садыйковларга берет һәм Россия әләмен тапшырды.
Татарстан Республикасы Урман хуҗалыгы министры Равил Кузюров республика җитәкчелеге исеменнән гаиләгә кайгы уртаклашу сүзләрен җиткерде.
Равил Әфрәим улы Лубян урман-техник көллиятен тәмамлау буенча диплом тапшырганда, Руслан Садыйков укуны 2021 елның июнендә тәмамлаган, егеттән алдагы планнары турында сорагач, ул башта хезмәт итәргә барачагын әйтә.
– Безнең сугышчылар хәзерге буын өчен генә түгел, киләчәк буыннар өчен дә имин киләчәк булдыру буенча изге бурычларын үтиләр. Солдатлар һәм офицерлар арасында Татарстан Республикасында тәрбияләнүчеләр дә бар һәм алар Ватанга һәм халыкка хезмәт итү юлын сайлап, батырлык үрнәге күрсәтәләр. Алар еш кына үз гомерләре бәрабәренә бу дөньяны саклап, үз-үзләрен корбан итәләр, – дип билгеләп үтте Равил Кузюров. – 12 апрель көнне Мариуполь шәһәрендә хәрби бурычны үтәгәндә безнең иптәшебез һәлак булды. Садыйков Руслан Рамил улы Россия Федерациясе дәүләт бүләгенә – Батырлык орденына тәкъдим ителде.