Медицина хезмәтләре һәм даруларга чыгымнар буенча салым тотып калынган акча: алу буенча инструкция
Медицина хезмәтләренә һәм даруларга чыгымнарына салым түләүләрен кире кайтару буенча инструкция
Россиянең һәр эшләүче гражданины, түләүле дәваланып, дарулар сатып алган очракта, медицина хезмәтләре һәм даруларга чыгымнар буенча салым тотып калынган акчаны кире кайтара алачак.
Медицина хезмәтләре төрләренең, шул исәптән гражданнардан тотып калынган салым акчасын кайтарып ала торган кыйммәтләрнең тулы исемлеге 2020 елның 8 апрелендәге 458 номерлы РФ Хөкүмәте карары белән билгеләнгән.
Медицина хезмәтләренә чыгымнар буенча салым түләвенең максималь күләме-120 мең сум, гражданинга әлеге сумманың 13% ы кире кайтарыла. Шул ук вакытта, дәвалануга киткән чыгымнар буенча тотып калынган акча башка социаль түләүләр белән суммалаша һәм 120 мең сум бер ел эчендә гариза бирергә мөмкин булган барлык социаль салым тотып калынган акчалар өчен максималь сумма булачак.
Кыйммәтле дәвалануга киткән чыгымнар буенча тотып калынган салым акчасы искәрмә булып тора. Дәвалауның мондый төрләре буенча социаль тотып калынган акча факттагы чыгымнар күләмендә бирелә: гражданинга тотылган сумманың 13%ы кире кайтарыла. Кыйммәтле дәвалануга тотып калынган акча калган социаль салым түләве белән кушылмый.
Медицина хезмәтләре һәм даруларга чыгымнар буенча салым күләмендә тотып калынган акчаны эш бирүчедән яки салым органыннан кайтарырга мөмкин.
Россия Федераль салым хезмәтенең Татарстан Республикасы буенча идарәсе контактсыз электрон хезмәттәшлеккә күчәргә чакыра. Республика гражданнарына теләсә нинди хезмәтне «физик затлар өчен салым түләүченең шәхси кабинеты» сервисы һәм «ФЛ салымнары»(«Налоги ФЛ») мобиль кушымтасы аша онлайн алырга, шул исәптән 3-НДФЛ декларациясен җибәрергә мөмкин, анда мәгълүматларның күп өлеше тутырылган инде. «Физик затлар өчен шәхси кабинет» на керү Дәүләт һәм муниципаль хезмәтләрнең бердәм порталында (ЕСИА дәүләт хезмәтләре аша керү) хисап язмасы ярдәмендә мөмкин.