Аксубай район мәдәният йортында Бөтендөнья гаилә көненә багышланган бәйрәм узды

Аксубай район мәдәният йортында Бөтендөнья гаилә көненә багышланган бәйрәм узды һәм төп геройлар булып тәрбиягә бала алган гаиләләрнең "Игелек берлеге"клубы балалары һәм әти-әниләре торды. Бәйрәмне кашыкчылар ансамблендә тәрбияләнүчеләр музыкаль композиция белән ачып җибәрделәр.
Бәйрәмдә катнашучыларны Аксубай хатын-кызлар советы рәисе Ләйсән Сәмигулла кызы ЗӘЙДУЛЛИНА, «мәдәният бүлеге» начальнигы Алексей Сергеевич Тимирясов, район мәдәният йорты директоры Копанева Ольга Владимировна, ЗАГС мөдире Крайнова Светлана Геннадьевна сәламләде.Чарада Опека һәм попечительлек бүлеге җитәкчесе Төхвәтуллина Айсылу Яхьевна катнашты.

Хатын-кызлар советы вәкилләре балаларга татлы күчтәнәчләр әзерләделәр. ЗАГС һәм мәдәният йорты хезмәткәрләре прәннекләрне кондитер буяулары белән бизәү һәм гаилә ромашкасы ясау буенча менә дигән мастер-класслар үткәрделәр. Шатлык һәм иҗат атмосферасы хөкем сөрде. Оештыручыларга зур рәхмәт!
 

Тулырак видеороликта: https://vk.com/wall719810142_238

Фотолар:https://vk.com/album719810142_284126866