Бүген, Аксубайда ,Хәрби Дан обелискы янында Хәтер һәм кайгы көненә багышланган Митинг узды.
22 июнь - Без һәлак булучыларны искә алабыз һәм исәннәрнең батырлыкларын хәтерлибез. Аксубайда Хәрби Дан обелискы янында бүген мәктәп укучылары, укытучылар, оешма җитәкчеләре Ватан өчен яу кырында ятып калган якташларыбызны искә алу өчен җыелдылар. Аксубай муниципаль районы Башкарма комитеты җитәкчесенең социаль мәсьәләләр буенча урынбасары Александров Сергей Витальевич үзенең чыгышында билгеләп үткәнчә, үсеп килүче буынга бүген тыныч яшәүчеләр турында истә тоту мөһим.
Шулай ук Үзәк хәрби округның хәрби-патриотик эшләр буенча өлкән хәрби инспекторы, генерал - майор Молоствов Анатолий Петрович һәм эчке эшләр министрлыгының Ветераннар советы рәисе Сәхәбетдинов Шамил Имаметдин улы чыгыш ясадылар. Бу көнне без геройларыбыз турында кайгырабыз. Без якташларыбыз-Садыйков Руслан Рамил улы, Хәмидуллин Илшат Әхәт улын хәтерлибез. Батырларга мәңгелек дан, Ватанның батыр улларына Мәңгелек хәтер. Митингта катнашучылар геройларыбызны бер минут тынлык белән искә алдылар һәм хәрби дан обелискына чәчәкләр салдылар. Митинг алып баручы сүзләре белән тәмамланды: "һәрвакыт тынычлык булсын, һәрвакыт бәхет булсын, һәрвакыт шатлык булсын."