Рөстәм Миңнеханов Аксубай районында булды.

Рөстәм Миңнеханов Аксубай районында булды. Маршрут барышында республиканың авыл хуҗалыгы һәм азык-төлек министры М.А. Җаббаров белән бергә алар район кырларын карадылар. Аксубайда «Волга-Селект» ҖЧҖ хуҗалыгы базасында Президент урып-җыюда катнашкан механизаторлар, шулай ук авыл җирлекләре башлыклары белән очрашты һәм урып-җыю темплары буенча фикер алыштылар. Бүгенге көндә 99 комбайн урып-җыюда эшли, 30 комбайн читтән җәлеп ителгән. Ике смена комплектланган. «Бүген иң мөһиме-урып-җыю һәм көзге чәчүгә әзерлек. азык үзәкләрен үстерү буенча эшләргә кирәк", - дип билгеләп үтте Президент.

Районның үсемлекчелек системасында эре предприятиеләрнең берсе- «Волга-Селект»ҖЧҖнең эретмә төене. Президентка Авыл хуҗалыгы культуралары чәчүлекләрен тукландыру һәм корткычлардан, авырулардан һәм чүп үләннәреннән саклау эшләрен башкарганда су әзерләү өчен билгеләнгән стационар комплексны күрсәттеләр. Шулай ук Президентка орлык заводы белән ашлык киптерү комплексы төзелешенең барышын күрсәттеләр. Аны бу елның маенда төзи башладылар. 2024 елда тапшырырга планлаштыралар. Хәзерге вакытта объектта төзү-монтаж эшләре бара, җиһазлар китерелә. Объектны тапшырганда 35 кешене эшкә урнаштыру планлаштырыла.