Район мәктәпләрендә 5-9 сыйныф укучылары өчен Бөтенроссия тикшерү эшләре башланачак
26 сентябрьдән 24 октябрьгә кадәр район мәктәпләрендә 5-9 сыйныф укучылары өчен Бөтенроссия тикшерү эшләре узачак. ВПР үткәрү 2022 елның языннан яңа уку елы башына күчерелде. Алга таба укучылар өчен алдагы уку елы программасы буенча уздырылачак.
5-9 сыйныф укучыларының барысы өчен дә рус теле һәм математика буенча мәҗбүри булып тора. 5 нче сыйныфларда шулай ук барлык укучылар да әйләнә – тирә дөнья буенча ВПР, 6 нчы сыйныфларда – биология һәм тарих, 8 нче сыйныфта-чит тел буенча язачаклар. 7-9 нчы сыйныф укучылары очраклы сайлау нигезендә тагын ике фән буенча ВПР язачаклар: 7 нче сыйныфларда бу тарих, биология, география һәм җәмгыять белеме буенча ВПР булырга мөмкин, 8 нче сыйныфларда бу фәннәргә физика, 9 нчы сыйныфларда шулай ук химия өстәлә.
ВПРның күпчелек фәннәр буенча үткәрү вакыты бер дәрескә (45 минут) кадәр кыскартылды, моннан тыш, 6-9 нчы сыйныфларда рус теле һәм математика буенча тикшерү эшләреннән һәм 9 нчы сыйныфта химиядән кала. ВПР икенче-дүртенче дәресләрдә үткәрергә киңәш ителә. 2022 елның көзендә ВПР үткәрү графигы белән «мәгариф бүлеге» МКУ сайтында сылтама буенча танышырга мөмкин https://edu.tatar.ru/aksubaevo/roo/page5028123.htm.