Татарстанда Муса Җәлил исемендәге конкурс игълан ителде.

Татарстан Республикасы Яшьләр эшләре министрлыгы Муса Җәлил исемендәге Республика премиясен 2022-2023елларда бирү буенча конкурска гаризалар кабул итә башлады. Премия ике елга бер тапкыр дүрт лауреатка – 35 яшькә кадәрге Татарстан Республикасы яшьләренең талантлы вәкилләренә, шулай ук 70% ы 35 яшькә кадәрге яшьләргә туры килә торган авторлар төркеменә, сәнгать, фән, мәгариф, тәрбия үсешенә, яшьләр эшкуарлыгы өлкәсендә югары казанышлары, яшьләр программаларын гамәлгә ашыруга керткән өлешләре өчен бирелә. Конкурста катнашу өчен гаризалар 2022 елның 19 декабренә кадәр түбәндәге сайтта кабул ителә: https://utalents.ru/event/konkurs-po-prisuzhdeniyu-respublikanskoy-premii-imeni-mdzhalilya өстәмә материаллар түбәндәге адрес буенча җибәрелә: 420021, Казан шәһәре, Г.Тукай урамы, 113а йорт, 2 нче бина. 2023 елның февралендә М.Җәлил исемендәге Республика премиясе лауреатларын бүләкләү булачак.