Казан дәүләт мәдәният институты базасында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышы узды.

2022 елның 8 ноябрендә «Казан дәүләт мәдәният институты» югары һөнәри белем бирү федераль дәүләт бюджет мәгариф учреждениесе базасында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышы узды. Утырышны Әхмәдиева Роза Шәйхәйдәр кызы (Экспертлар советы рәисе, «Казан дәүләт мәдәният институты» югары һөнәри белем бирү федераль дәүләт бюджет мәгариф учреждениесе ректоры, педагогика фәннәре докторы, профессор) алып барды. Советта катнаштылар: ТР мәдәният министры урынбасары-Адгамова Юлия Илдар кызы; ТР Дәүләт Советы Комитеты рәисе урынбасары-Рыбакова Людмила Николаевна; Казан дәүләт мәдәният институты ректоры-Әхмәдиева Роза Шәйхәйдәр кызы һәм башкалар. ТР Аксубай МР Советында Хатын – кыз депутатлар берләшмәсе җитәкчесе, "ЦКС" (РДК) директоры Ольга Копанева Совет алдында район мәдәният йортының казанышлары турында чыгыш ясады, шулай ук авыл җирлегендә мәдәни ялны үстерү темасына да тукталды. Татарстан Республикасы Мәгарифне үстерү институты ректоры Ногманова Людмила Николаевна Татарстан Республикасы мәдәни-ял учреждениеләре өчен югары квалификацияле кадрлар әзерләү мәсьәләләре буенча фикер алышуда катнашты. Утырышта катнашучылар Казан дәүләт мәдәният институты әзерләгән югары сыйфатлы күргәзмәне билгеләделәр.