Уңышны иминләштергән җитештерүчеләр югары субсидияләр алачак.

Бөртеклеләр уңышын югалту куркынычын страховкалаучы авыл хуҗалыгы җитештерүчеләре иминләштерелмәгән аграрийлар белән чагыштырганда җитештерүгә һәм сатуга югары субсидияләр алачак – мондый тәртип 2023 елдан  Россия Хөкүмәте тарафыннан кертелгән. Ноябрь аенда хөкүмәт карары нигезендә, 2023 елдан башлап бөртекле культуралар җитештерүгә һәм сатуга киткән чыгымнарының бер өлешен дәүләт бюджетыннан каплауга дәгъва кылучы аграрийлар бу культураларны дәүләт ярдәме белән агроиминләштерү системасы кысаларында төзелгән иминият килешүен күрсәтергә тиешләр. Уңыш иминләштерелмәгән очракта, әлеге субсидияне исәпләгәндә – 0,7, ә 2024 елдан-0,5 коэффициенты кулланылачак. Аграрийларның бөртекле культуралар җитештерү һәм сатуга киткән чыгымнарының бер өлешен компенсацияләүгә бюджет субсидиясе ел саен үзебездә җитештерелгән бер тонна продукция исәбеннән хуҗалыкларга бирелә. Аның кысаларында дәүләт авыл хуҗалыгы җитештерүчеләренең тиешле чыгымнарының 50%  кадәр каплый. «Шулай итеп, киләсе елдан бөртеклеләрне иминләштерүне оештыру өчен агроиминләштерү системасының да, региональ идарә органнарының да җаваплылыгы арта бара. Дәүләткә агросәнәгать производствосын субсидияләгәндә аның мәнфәгатьләрен яклау тәэмин ителергә тиеш, аграрийларга – иминият килешүен тиз арада төзү мөмкинлеге. Бүген иминиятләштерү игенчелек үсеш алган һәр төбәктә аграрийларга мөмкин», – дип шәрехли НС Президенты Корней Биждов.   Орлыкка субсидия алуның яңа тәртибе 2022 елның көзендә чәчелә торган уҗым культуралары уңышына да кагылачак. НСА һәм иминият компанияләре төбәкләргә аграрийларның көзге культураларны иминиятләштерүгә шактый арткан мөрәҗәгатьләре буенча консультация бирә инде. Аграрийларның дәүләт ярдәме белән агроиминләштерүгә чыгымнары да дәүләт тарафыннан субсидияләнә: МУЛЬТИРИСК программасы буенча уңышны иминләштергәндә хуҗалыкка иминият полисы бәясенең 50% ы түләнә, гадәттән тыш хәлләр булган очракта, уңышны иминләштергәндә – 80%. Иминият программасын сайлаганда, аграрийлар иминият яклавы ихтыяҗларыннан һәм финанс мөмкинлекләреннән чыгып эш итә алалар.