6 декабрьдә ата-аналары алимент түләүдән качып йөрүче балигъ булмаган гаиләләргә хокукый ярдәм күрсәтү өчен чираттагы Бердәм кабул итү көне булачак.

Кабул итү район Советы бинасында түбәндәге адрес буенча оештырылачак: Аксубай бистәсе, Ленин урамы, 10 йорт, иртәнге сәгать 8.00 дән. Гражданнарны кабул итү суд приставлары хезмәте, социаль яклау бүлеге, юридик бүлек, халыкка социаль хезмәт күрсәтү үзәге һәм опека һәм попечительлек бүлеге белән берлектә уздырыла. Барлык сораулар да махсус контрольгә алына. Исегезгә төшерәбез, мондый тематик кабул итү көннәре традициягә әйләнде һәм һәр айның беренче сишәмбесендә район халкы өчен үткәрелә.