Аксубай урманчылыгында яшь чыршылар сак астында.

Яңа ел алды чорында халыкта табигый чыршыларга ихтыяҗ зур. Чыршы, теләге булган һәркемгә эләгә :ыслы агачларны Аксубайда 31 декабрьгә кадәр сатып алырга мөмкин булачак. Ләкин  Яңа ел атрибутларын бушлай гына  , үз белдеге белән чыршыны урманда кисеп алырга теләүчеләр табыла . Ыслы яшь агаларны законсыз кисүләрдән саклау максатларында район җитәкчелеге " Яңа ел алды чорында ыслы яшь агачларны саклау турында»Карар кабул итте. Шуның нигезендә, урман хезмәткәрләрен хокук саклау органнары вәкилләре белән бергә саклау оештырылачак. ЮХИДИ хезмәткәрләренә яңа ел алды көннәрендә ташыла торган йөкләрне тикшерүне катгыйландыру, Аксубай юл идарәсе, Яңа Тимошкин һәм Аксубай – Чистай автотрассасы янында постлар оештыру йөкләнде. 20 декабрьдән башлап һәр урманчылыкта, урман саклау инспекторлары арасыннан 25 нче (Урмандеево авылы янында), Чабаксар урманчылыгының 91 нче (Аксубай – Чистай автомобиль юлы янында), Аксубай урманчылыгының 29 нчы кварталында (Аксубай – Н-Тимошкино автомобиль юлы янында) постлар оештырылачак һәм әлеге участокларны патрульләштерәчәк. Урман хуҗалыгына ылыслы агачларның законсыз киселеше рәвешендә китерелгән зыян күләме саклану төркемнәре урманнарында - 5492,34 сум, чыршы - 4951,44 сум; эксплутация төркеменең урманнарында: нарат - 2746,17 сум, чыршы - 2475,72 сум тәшкил итәчәген гражданнар белергә тиеш. Шуңа күрә яңа ел чыршыларын зур булмаган акчага сатып алугызны сорыйбыз. Моннан тыш, административ штраф салыначак. Законсыз кискән өчен гражданнарга 3000 сумнан алып 4000 сумга кадәр штраф түләргә туры киләчәк; вазыйфалы затларга - 20000 - 40000 сум; юридик затларга 200 меңнән алып 300 мең сумга кадәр. Әгәр дә кисү механик чаралар, автомототранспорт чаралары кулланып башкарылса, гражданнарга 4000 - 5000 сум, вазыйфалы затларга - 40000-50000 мең сум, юридик затларга 300000 сумнан 500000 сумга кадәр штраф түләргә туры киләчәк.