“Яңа ел фантазиясе” исемле Яңа ел әкияти уены “Хыял” балалар социаль приютында тәрбияләнүчеләр арасында гаилә китапханәсендә узды.

Балалар кар һәм Кар бөртекләре турында кызыклы фактлар белән таныштылар, «Кышкы әкият» әдәби викторинасында катнаштылар, кышкы темага табышмаклар чишүдә белемнәрен күрсәттеләр, «Карнавал битлекләр» музыкаль уенында рәхәтләнеп катнаштылар, китап-уенчыклар белән таныштылар, өстәл уеннары уйнадылар, Яңа ел шигырьләре сөйләделәр, саубуллашканда Раштуа җырын бергәләп башкардылар. Чара «Кышкы китапларны укыйбыз» китап күргәзмәсенә күзәтү һәм фотосессия белән тәмамланды.