Салкыннарга бәйле рәвештә мәктәп расписаниесенә үзгәрешләр кертелде.

Кискен суыту һәм көчле салкыннар сәбәпле, Татарстанның күп кенә мәктәпләрендә кышкы каникуллар язгы каникуллар хисабына ике көнгә озайтылды. ТР Мәгариф һәм фән министрлыгы искәртеп узганча, дәресләр авыл мәктәпләренең башлангыч сыйныфларында - 23 градус булганда, шәһәр мәктәпләренең башлангыч сыйныфларында һәм 5-9 нчы сыйныфларда - минус 25, 5-9 нчы сыйныфларда шәһәр мәктәпләрендә - минус 27 градус, 10-11 нче сыйныфларда - 30 градус салкын, 10-11 нче сыйныфларда - минус 32 градус булганда кичектерелергә мөмкин. Моннан тыш, санитар нормалар һәм кагыйдәләр нигезендә, ачык һавада физкультура дәресләре кече сыйныф укучылары өчен һава температурасы өч градустан түбән булмаганда һәм җил тизлеге секундына 6-10 метрдан артмаган очракта гына рөхсәт ителә, өлкән сыйныф укучылары өчен - минус 10 градустан түбәнрәк түгел һәм секундына 6-10 метрдан да көчлерәк түгел. Шул ук вакытта ТР Мәгариф һәм фән Министрлыгы балаларны мәктәп автобуслары белән йөртүне һәм балаларның тышкы һава температурасы -25 градус һәм аннан түбән булганда муниципаль берәмлекләрдән чыгуын туктатырга киңәш итә. ТР мәгариф идарәсе органнары һәм мәгариф оешмалары җитәкчеләренә көчле салкыннар чорында шулай ук җылылык белән тәэмин итү системалары эшен контрольдә тотуны көчәйтергә тәкъдим ителде. Чыганак: https://mon.tatarstan.ru/index.htm/news/2156247.htm