Инвалидларны эшкә кабул итү өчен эш бирүче квота үтәү кагыйдәләрен үзгәртү.

«Эш бирүче тарафыннан инвалид белән теләсә нинди эш урынына хезмәт мөнәсәбәтләрен рәсмиләштергәндә инвалидларны эшкә кабул итү өчен квота үтәү кагыйдәләрен раслау турында» Россия Федерациясе Хөкүмәтенең 2022 елның 14 мартындагы 366 номерлы карары һәм «Социаль яклауга аеруча мохтаҗ гражданнар өчен эш урыннарын квоталау һәм резервлау турында» Татарстан Республикасы Законына үзгәрешләр кертү хакында» 2022 елның 25 июлендәге 47-ТРЗ номерлы Татарстан Республикасы Законы белән эш бирүчеләргә инвалидларны эшкә алу өчен квота билгеләүнең яңа тәртибе җайга салынды. Эш бирүче квотаны ел саен 1 февральгә кадәр, узган елның IV кварталында хезмәткәрләрнең исемлек буенча уртача саныннан чыгып исәпли. Квота түбәндәге очракларда башкарылган дип санала: 1.эш бирүченең инвалид белән хезмәт килешүе (шул исәптән ашыгыч рәвештә) булуы; 2.инвалидларны эшкә урнаштыру турында бүтән оешма яки шәхси эшмәкәр белән килешү кысаларында хезмәт килешүе булу.