Бүген Иске Савруш авыл клубында Савруш авыл җирлеге Советының киңәйтелгән утырышы булды.

Утырышта район башлыгы Камил Гилманов һәм аның урынбасары Илшат Заһидуллин, район хезмәтләре һәм ведомстволары җитәкчеләре катнашты. Авыл җирлеге башлыгы Андрей Кузьмин депутатлар корпусының 2022 елда башкарылган эше һәм 2023 елга бурычлары турында хисап доклады белән чыгыш ясады, авыл җирлеге тормышындагы мөһим моментларны яктыртты, уңышлар турында сөйләде, авыл халкының проблемаларына тукталды. Утырыш ахырында Савруш авыл җирлеге территориясендә авылның иҗтимагый тормышында актив катнашкан өчен район Башлыгының һәм авыл җирлеге башлыгының Рәхмәт хатлары тапшырылды.