Аксубай басуларында уҗымнар уңышлы кышлыйлар.

Көзге икмәкләргә бүген һава торышы уңай : кар катламы шытымнарны салкыннардан саклый, калынрак булган боз катламы үсемлекләр өчен куркыныч тудырмый. Бүген «Россельхозцентр» ның район бүлеге начальнигы Габдерәшит Гыйльметдинов һәм район авыл хуҗалыгы һәм азык-төлек идарәсенең игенчелек буенча консультанты Фәндәс Гафиятуллин шундый нәтиҗәгә килделәр. Алар туфрак белән бергә үсемлек үрнәкләрен алдылар. Шулай ук үсемлекнең куак төенендәге температураны үлчәделәр. 2 сантиметр тирәнлектә электрон термометр минус 6 градус күрсәтте. Кар катламы уртача 30-35 сантиметр тирәсе. – Куаклык төеннәрендә үсемлек өчен рөхсәт ителгән температура саклана, - дип аңлатты белгечләр. - Монолит лабораториядә тикшереләчәк, әмма үсемлекләрнең тышкы кыяфәте буенча уҗымнарның торышы канәгатьләнерлек дип фаразларга була. Ике атна эчендә һава температурасы күбесенчә минус 30 градуска җитте, бу климат нормасыннан түбән. Агрономия хезмәте вәкилләре фикеренчә, туфракның туңу тирәнлеге 2-8 сантиметрга артты.