«Иң яхшы татар теле һәм әдәбияты укытучысы - 2023»конкурсының зона этабы

Агымдагы елның 25 гыйнварында Нурлат шәһәрендә Татарстан Республикасы Мәгариф һәм фән министрлыгы тарафыннан үткәрелә торган «иң яхшы татар теле һәм әдәбияты укытучысы - 2023» Бөтенроссия һөнәри конкурсының зона этабы узды. Әлеге конкурс ел саен мәктәпләрдә иҗади эшләүче татар теле һәм әдәбияты укытучыларын ачыклау, аларга ярдәм итү һәм бүләкләү максатыннан үткәрелә. Аксубай районы белән берлектә зона этабында тагын 5 район: Чирмешән, Яңа Чишмә, Спас, Әлки һәм Нурлат районнары катнашты. 6 укытучы үзләренең ачык дәресләрен һәм мастер-классларын күрсәтте. Аксубай районыннан муниципаль этап җиңүчесе Галиева Әлфирә Әмирҗан кызы, 1нче номерлы Аксубай урта гомуми белем бирү мәктәбенең татар теле һәм әдәбияты укытучысы катнашты. » Әлфирә Әмирҗан кызы-күп еллык эш стажы булган иҗади педагог. Ул барлык конкурс сынауларын да уңышлы үтеп, һөнәри осталыкның югары дәрәҗәсен күрсәтте. Чара ахырында Нурлат шәһәрендә зона этабын ябу тантанасы булды, аның ахырында барлык катнашучыларга «иң яхшы татар теле һәм әдәбияты укытучысы – 2023»конкурсында катнашу турында таныклыклар бирелде. Нурлат районына кунакчыллыгы өчен рәхмәт белдерәбез һәм Әлфирә Әмирҗан кызына конкурсның алдагы этапларында уңышлар телибез!