Сталинград өчен сугышта немец-фашист гаскәрләрен тар-мар итүгә багышланган чара Бөек Ватан сугышының төп вакыйгаларын яктыртучы мәгълүмати сводка формасында узды.

Ул С.Алексеевның «Сталинград астында Җиңү» хикәясен кычкырып укудан башланды, аның эчтәлеге Сталинград сугышының зур әһәмиятен ача, Ватанны мәкерле һәм мәрхәмәтсез дошманнан яклауга баскан халыкның батырлыгын һәм каһарманлыгын күрсәтә.​ Алга таба китапханәнең яшь кулланучылары хәрби вакыйгалар елъязмасы, фронт фотолары, Советлар Союзы бүләкләре белән таныштылар, легендар Павлов йортын, «Мамай курганы»мемориаль комплексын саклау белән бәйле вакыйгалар турында белделәр. Чараны слайд презентациясе һәм «Сталинград: 200 көн батырлык»мәгълүмати китап күргәзмәсе озатып барды.