Район террорчылыкка каршы комиссия утырышын үткәрделәр.
Район башлыгы рәислегендә районның террорчылыкка каршы комиссиясе утырышын район прокуроры урынбасары катнашында үткәрделәр. Утырышта Аксубай муниципаль районы территориясендәге миграция хәленең торышы турында сораулар каралды, аның турында Россия Эчке эшләр министрлыгының Аксубай районы буенча бүлеге башлыгы хәбәр итте. Белем бирү оешмаларында белем бирү мохите куркынычсызлыгы мониторингы һәм укучыларның деструктив тәртибе нәтиҗәләре буенча ачыкланган психологик риск төркемнәре белән профилактик эшнең торышы һәм аны камилләштерү чаралары, шулай ук анда район мәгариф учреждениеләренең җаваплы затлары һәм педагог-психологлары катнашуы турында «мәгариф бүлеге»методисты, педагог - психологы сөйләде. Яңа Ибрай һәм Иске Татар Адам авыл җирлекләре башлыклары җирлек территориясендә террорчылыкны һәм экстремизмны профилактикалау эшенә анализ турында хәбәр итте. Башлык ярдәмчесе комиссия әгъзаларын ТР Террорчылыкка каршы комиссия Аппаратыннан килгән күзәтүләр белән таныштырды.
Утырышка йомгак ясап, район башлыгы, террорга каршы комиссия рәисе билгеләп үткәнчә, һәркем җаваплылыкны истә тотарга тиеш. Яшүсмерләргә һәм аларның мәшгульлегенә, патриотик тәрбиягә игътибар итәргә кирәк. Катнашучыларның барысына да районның террорга каршы комиссиясе кабул иткән карарны үтәмәгән яисә бозган өчен җаваплылык турында искә төшерделәр. Административ хокук бозулар турында Татарстан Республикасы кодексының 2.15 статьясы нигезендә административ штраф салынуга сәбәп булдылар.