Масленица атналыгы кысаларында Аксубай туган якны өйрәнү музеенда башлангыч сыйныфлар өчен уен формасында чара узды

Май чабу - бәйрәмнәрнең кышкы чиратын тәмамлый һәм яз башлану турында хәбәр итә торган иң күңелле халык чараларының берсе. Май чабу атнасы кысаларында Аксубай туган якны өйрәнү музеенда башлангыч сыйныфлар өчен “Исәнме, масленица!” дигән чара узды. Музей хезмәткәрләре балаларны масленица тарихы һәм аны бәйрәм итү традицияләре белән таныштырды. Балалар ата-бабаларыбызның май чабу атнасын уен, җыр, төрле күңел ачулар белән ничек үткәрүләре турында кызыксынып тыңладылар. Бәйрәм тарихы белән танышканнан соң балалар төрле табышмакларны чиштеләр, "әтәчләр сугышы", « канат тарту" һәм башка уеннарда уйнадылар. Очрашу азагында кунаклар коймак белән самавырдан чәй эчтеләр. Тәмле, алсу коймаклар - кояш символы, иң мөһиме Майчабуны сыйлау.