«Казан Әниләре» хәйрия оешмасы Татарстан республикасының тәрбиягә бала алган ата-аналар клублары җитәкчеләре белән очрашу оештырды.

«Казан әниләре» - Татарстанның иң борынгы хәйрия оешмаларының берсе, 2007 елдан бирле эшли һәм абруй казана. Аларның эшчәнлеге Ата-ана каравыннан мәхрүм калган балаларның, шулай ук кризис хәлендә калган гаиләләрдәге балаларның тормышын яхшыртуга юнәлдерелгән.       Очрашу формаль булмаган шартларда узды. Чәй табыны артында клублар эше тәҗрибәсе белән уртаклаштылар һәм алга таба хезмәттәшлек юлларын планлаштырдылар. А. В. Мортазина җитәкчелегендәге безнең "Игелек берлеге" клубы Татарстан Республикасында иң яхшылардан санала.