Бүген район Советының утырышлар залында гомуми район планеркасы булды.

Бүген Аксубай муниципаль районы башлыгы Камил Гилманов рәислегендә Совет утырышлар залында Гомумроссия планеркасы булды. Шулай ук район Советы һәм Башкарма комитетының җаваплы хезмәткәрләре, хокук саклау органнары җитәкчеләре, авыл җирлекләре башлыклары, райондагы федераль һәм республика органнары оешмалары, бүлекчәләре җитәкчеләре катнашты. Көн тәртибенә сораулар кертелде: ✅ Гражданнардан үзара салым акчаларын җыю турында. Коммуналь һәм башка хезмәтләр өчен электрон түләүләр кертү.  Мобилизацияләнгән гражданнарга, аларның гаиләләренә ярдәм итү, гуманитар ярдәм җыю эшен оештыру турында✅.  Район бюджетының салым һәм салым булмаган түләүләр (җир, су өчен) үтәлеше.  Аксубай районы прокуроры Эдуард Хираҗев мобилизацияләнгән гражданнарга ярдәм итү һәм яшүсмерләрнең социаль челтәрләрдә тыелган сайтларга керү очраклары ешаю турында доклад белән чыгыш ясады.  Аксубай районы эчке эшләр бүлеге начальнигы Илгиз Алмакаев уяу булырга киңәш итеп, телефон мошенниклыкларын теркәү очраклары турында сөйләде. Киңәшмә ахырында бүләкләүләр булды.