Аксубайлылар планетаның иң массакүләм экоакциясенә — «Җир сәгате»нә кушыла ала.

​25 мартта бөтен дөнья буенча «Җир сәгате»экологик акциясе узачак. Җирле вакыт буенча 20.30 сәгатьтә миллионлаган кеше символик рәвештә электр һәм көнкүреш приборларын сүндерә, планета язмышына битарафлык күрсәтми. Акция инде 15 нче тапкыр узачак. Хәзерге вакытта әлеге вакыйга турында россиялеләрнең 46 проценты белә, шуларның 53 проценты анда катнаша. Бу кешеләрне табигатебезнең иминлеге өчен җаваплылык хисе һәм аны саклап калу теләге берләштерә. » Без барыбызны да бу сәгатьтә үзебезне иң якыннарыбыз белән әйләндереп алырга һәм табигать биргән нәрсәләрне ничек саклап кала алуыбыз турында уйланырга чакырабыз", — дип белдерде Бөтендөнья кыргый табигать фонды директоры Дмитрий Горшков. 2022 елдагы акциягә йомгак ясап, Татарстан Экология һәм табигый байлыклар министрлыгы татарстанлылар экономияләгән электр энергиясенең бөтен авылны яктыртуга җитәрлек булачагын исәпләп чыгарды.