Аксубай муниципаль районының балигъ булмаганнар эшләре һәм аларның хокукларын яклау комиссиясе карарына ярашлы рәвештә гаиләләр белән эш алып бара.

Аксубай муниципаль районының балигъ булмаганнар эшләре һәм аларның хокукларын яклау комиссиясе 2016 елның 13 июлендәге 18-16 республика комиссиясе карарына ярашлы рәвештә гаиләләр белән эш алып бара. Гаиләләр белән эшләүнең нәтиҗәлелеген арттыру максатыннан индивидуаль реабилитация программасы эшләнә. Социаль куркыныч хәлдә булган гаиләләрне һәм балигъ булмаганнарны ведомствоара реабилитацияләүне иртә ачыклау һәм оештыру буенча эш алып барыла. Гаилә белән ведомствоара эш гаилә иминлеген яхшыртуга, уңай нәтиҗәләргә ирешүгә юнәлдерелгән. Шул ук вакытта имин булмаган гаиләләрне иртә ачыклау зур әһәмияткә ия. Социаль иминлексезлекнең башлангыч стадиясендә булган гаиләләрне һәм балигъ булмаганнарны ачыклау өчен районның торак пунктларына профилактика субъектлары белән берлектә профилактика рейдлары оештырыла. Административ материалларның күпчелеге РФ Административ хокук бозулар кодексының 5.35 маддәсенең 1 өлеше буенча төзелә (ата-аналар яки законлы вәкилләр тарафыннан балигъ булмаганнарны тоту, тәрбияләү, укыту, балигъ булмаганнарның хокукларын һәм мәнфәгатьләрен яклау буенча бурычларны үтәмәү яки тиешенчә үтәмәү). Әлеге статьяны бозган өчен кисәтү рәвешендә административ җаваплылык яки 500 сумга кадәр административ штраф каралган.