«Фәнгә адымнар " Бөтенроссия фәнни-белем бирү конференциясе җиңүчесе.

25 мартта Татарстан Республикасы Апас муниципаль районының «Аерым фәннәрне тирәнтен өйрәнүче Апас урта гомуми белем бирү мәктәбе» МББУ базасында «Фәнгә адымнар»Бөтенроссия фәнни-белем бирү конференциясе узды. Конференциядә 7-11 сыйныф укучылары көндезге һәм дистанцион форматта катнашты. Аксубай муниципаль районының 2 нче номерлы Аксубай урта гомуми белем бирү мәктәбе укучысы Даутов Илсаф (җитәкчесе-Туган тел һәм әдәбият укытучысы Ч.М. Баһаутдинова) «Татар теле һәм әдәбияты» секциясендә эш буенча җиңүче булды һәм Татарстан Республикасы Мәгариф һәм фән министрлыгының I дәрәҗә Дипломы белән бүләкләнде. Конференцияне оештыручылар-Татарстан Республикасы Мәгариф һәм фән Министрлыгы, Казан федераль университетының Психология һәм мәгариф институты, КФУның татар милли педагогикасының фәнни-белем бирү үзәге, Апас муниципаль районы Башкарма комитетының мәгариф бүлеге, Апас урта мәктәбе. Конференция Россия Федерациясенең «мәгарифне үстерү»дәүләт программасы чараларын гамәлгә ашыру кысаларында оештырылды. Эш 8 секциядә алып барыла: Математика. Информатика. Физика» Тарих. Җәмгыять белеме, рус теле һәм әдәбияты, татар теле һәм әдәбияты, Инглиз теле, Биология. Химия, География. Экология,»яшь тикшерүче". Психология. Педагогика. Чарада Татарстан Республикасының 141 укучысы катнашты.