МСРКның чираттагы утырышы «Нежность»КЦСОНында узды.

2023 елның 25 маенда «Нежность» КЦСОНында балигъ булмаганнарның караучысызлыгын һәм хокук бозуларын профилактикалау системасының барлык субъектлары катнашында ведомствоара социаль-реабилитация консилиумы узды. Консилиумга социаль куркыныч һәм авыр тормыш хәлендә булган гаиләләрдән ата-аналар чакырылган. Барлыгы 6 гаилә каралды, анда 14 балигъ булмаган бала тәрбияләнә. «Социаль куркыныч хәлдә булган гаиләләрне һәм балигъ булмаганнарны Исәпкә алу һәм мониторинглау»базасына кергән 3 сигнал картасы каралды. «Социаль куркыныч хәлдә булган гаиләләр белән эшләүдә ведомствоара хезмәттәшлекне оештыру, шулай ук аларны хәл итү проблемалары һәм юллары»темасына республика семинар-киңәшмәсе тәкъдимнәре эшкә алынды. Комиссия әгъзалары бүгенге көндә профилактика субъектларында булган проблемалар һәм мәсьәләләр турында фикер алыштылар. Шулай ук системада профилактика субъектлары вәкилләренең эшендә типик кимчелекләр  анализланды, гаиләләрне реабилитацияләү буенча чараларның шәхси реабилитация программасы планына ярашлы рәвештә дөрес үтәлүен тәэмин итү, аларны бетерү буенча киңәшләр бирелде. Консилиумда гаилә иминсезлеген иртә ачыклау һәм сигнал карталарын система аша юнәлтү мәсьәләләре, социаль куркыныч хәлдә булган гаиләләрдәге балигъ булмаганнарның җәйге мәшгульлеге мәсьәләләре турында фикер алыштылар.