11 июньдә Аксубай бистәсенең үзәк мәйданында "Сабантуй-2023"бәйрәме узды

11 июньдә Аксубай бистәсенең үзәк мәйданында Сабантуй-авыл хуҗалыгы хезмәтчәннәре һәм көндәлек эшләре белән район үсешенә ярдәм итүчеләр бәйрәме узды. Ачылу тантанасы сәгать 10да була. Бәйрәмне ТР мөфтие урынбасары Равил хәзрәт Зөферов һәм Аксубай районы буенча благочинный Александр Качаев фатихалады. Бәйрәм чараларында Дәүләт Советы депутатлары Алсу Тарханова һәм Шамил Яһудин, спорт министры урынбасары Алмаз Хөсәенов, Яңа Чишмә районы башлыгы Вячеслав Козлов, инвесторлар, якташлар, мактаулы гражданнар катнашты. Сабантуй мәйданында авыл хуҗалыгы җитештерүенең алдынгыларын хөрмәтләделәр, аннан соң традицион спорт уеннары узды. Сабантуй программасында балалар өчен ярышлар, конкурслар, спорт ярышлары, үзешчән сәнгатьтә катнашучыларның номерлары тәкъдим ителде. Милли көрәш, ат чабышлары, артистларның чыгышлары һәм башка күп нәрсәләр безнең уртак тамырларыбызга һәм чыганакларыбызга кагылырга мөмкинлек бирде. Бәйрәм сәүдәсе җәелдерелә, тематик йортлар оештырыла. Һәм, әлбәттә, Россия көне алдыннан, традицион рәвештә, Россия Федерациясенең яшь гражданнарына беренчел паспортлар тапшырдылар