1941 елның 22 июне - Россия тарихында иң кызганыч даталарның берсе - Хәтер һәм кайгы көне - Бөек Ватан сугышы башланган көн!

Хәтер һәм кайгы көне алдыннан, 21 июньдә, йөзләгән аксубайлылар, һәлак булган якташларын искә алу өчен, кич белән Бөек Ватан сугышы елларында һәлак булганнар һәйкәленә килделәр. Чарада иҗтимагый оешмалар, ветераннар, волонтерлар, Аксубай бистәсе халкы катнашты. Барлык катнашучыларны Бөтенроссия акциясендә катнашулары өчен район башлыгы Камил Гилманов сәламләде һәм рәхмәт белдерде, шулай ук Идел буе хәрби округының хәрби инспекторы, генерал-майор Анатолий Молоствов чыгыш ясады. Бөек Ватан сугышында һәлак булган геройлар турында Сүнмәс истәлекне символлаштырган шәмнәр белән акциядә катнашучылар Ватаныбыз өчен сугышта һәлак булганнар обелискына чәчәкләр һәм шәмнәр салдылар, һәлак булганнарны бер минут тынлык белән искә алдылар.