Бөтенроссия эшкә урнаштыру ярминкәсе.

Аксубай районы халыкны эш белән тәэмин итү үзәгендә "Бердәм Россия" партиясенең җирле бүлеге белән берлектә 23.06.2023 елда Бөтенроссия эшкә урнаштыру ярминкәсенең федераль этабы оештырылды. Бүген ярминкә мәйданчыгында «КАМАЗ»ААҖнең кадрлар эше буенча белгечләре урнашты: Пресс-рам заводы, Ремонт-корал заводы, Корылма заводы, Автомобиль заводы, Двигательләр заводы, Логистика үзәге. Алар эш эзләүчеләргә төрле белгечлекләр буенча вакансияләр тәкъдим иттеләр. Шулай ук вахта ысулы белән эшкә урнашу мөмкинлеге дә бар. Бөтенроссия эшкә урнашу ярминкәсе кебек чаралар эш бирүчеләргә һәм эш эзләүчеләргә бер-берсе белән шәхсән танышырга һәм төрле һөнәрләр буенча эшкә урнашу вариантлары турында фикер алышырга мөмкинлек бирә. Ярминкәгә килүчеләр эшкә урнашу мәсьәләләре буенча консультацияләр алдылар. Алар хезмәт базары турында күбрәк белә, потенциаль эш бирүчеләр белән аралаша, кирәкле һөнәрләр турында белә алдылар. Барлык сораулар буенча Аксубай районы халыкны эш белән тәэмин итү үзәгенә Аксубай бистәсе, Романов урамы, 6 йорт адресы буенча яки 884344 2-74-61 телефоны буенча мөрәҗәгать итәргә.