“Гаилә, мәхәббәт һәм тугрылык көне”

8 июльдә Россиядә бернәрсәгә дә охшамаган, бик күңелле һәм тирән бәйрәм - Гаилә, мәхәббәт һәм тугрылык көне билгеләп үтелә. Балалар һәм яшүсмерләр өчен «Хыял» социаль приютында бу Көнгә багышланган төрле чаралар узды. Балалар белән әңгәмәләр үткәрелде: «мин әниемне һәм әтиемне яратам», «кеше тормышында гаилә»Тәрбияче Илдияркина Т.П. һәм Леонтьева Т.М. балаларны әлеге бәйрәмнең килеп чыгу тарихы белән таныштырды, әкияти формада кенәз Петр һәм гади халык кызы Феврония - гаилә һәм никахны саклаучылар турында балаларга сөйләде, ромашканың шушы якты бәйрәмнең символы булуы турында сөйләделәр.  Бик күп шигырьләр, гаилә, дуслык, тугрылык турында мәкальләр яңгырады. Балалар «Әни, әти, мин – тату гаилә»темасына рәсемнәр әзерләделәр. Һәм, әлбәттә, бәйрәм алдыннан балалар куллары белән тәрбияче ярдәмендә ясалган ромашка баланың иң яраткан һәм кадерле кешесенә – әнигә һәм әтигә бүләк булды. Бу бәйрәмне билгеләп үткәндә, учреждение коллективы Гаилә тәрбиясе традицияләрен торгызырга омтыла, балаларга сабырлык, игелек, мәхәббәт һәм үз гаиләсенең барлык әгъзаларына хөрмәт тәрбияли.