Аксубай районы территориясендә урманга керү тыела!

Татарстан Республикасы Министрлар Кабинетының 07.07.2023 №796 карары нигезендә Татарстан Республикасында гражданнарның урманнарда булуларын һәм аларга транспорт чараларының керүләрен 7 июльдән 21 календарь көнгә чикләү кертелде. Республиканың урман фонды җирләрендә урнашкан урманнарга карата чикләүләр билгеләнгән. "Аксубай урманчылыгы" ДКУ хезмәткәрләре урманнарда янгыннарны кисәтү буенча профилактик чаралар кысаларында урманга керү юлларында шлагбаумнар, урман территориясенә керүне тыю турында баннерлар урнаштырдылар, шулай ук урман территорияләрен патрульләү оештырылды. Хәзерге вакытта Татарстанда урманнарда янгын куркынычсызлыгын II типтагы 20 Урман янгын сүндерү станциясе һәм III типтагы 5 Урман янгын сүндерү станциясе тәэмин итә. Янгын куркынычлы хәлнең космик, авиация һәм җир өстендәге мониторингы алып барыла, урманнарны янгынга каршы төзекләндерү буенча чаралар комплексы үткәрелә. Аксубай урманчылыгы хезмәткәрләре гражданнарны урманнарда янгын куркынычсызлыгы таләпләрен төгәл үтәү турында кисәтә. Урман территориясендә янгын чыгу очраклары ачыкланганда, 8 (843 44) 2-73-53 номерлы урман бүлегенә яки участок урманчылыклары хезмәткәрләренең мобиль телефоннарына шалтыратырга кирәк.