Аксубай районы территориясендә урманга керү тыела!

Татарстан Республикасы Министрлар Кабинетының 31.07.2023 № 907 карары нигезендә Татарстан Республикасында гражданнарның урманнарда булуларын һәм аларга транспорт чараларының керүләрен 31 июльдән 21 календарь көнгә чикләү кертелде. Республиканың урман фонды җирләрендә урнашкан урманнарга карата чикләүләр билгеләнгән. Татарстан урман тармагы белгечләре тарафыннан тиешле чикләү кертү, аның гамәлдә булу чоры һәм урман юлларын шлагбаумнар белән ябу турында кисәтү аншлаглары урнаштыру буенча эшләр башкарылды.    ТР Урман хуҗалыгы министрлыгы искәртеп узганча, һәр очкын зур куркыныч тудырырга мөмкин! Урманнарда янгын куркынычсызлыгы кагыйдәләрен төгәл үтәүне сорыйбыз, һәм урман янгыннары яки урман массивлары янында янгыннар килеп чыккан очракта урман саклауның бердәм бушлай номеры буенча шалтыратыгыз: 8 (800) 100-94-00 яки ТР ДБУ «урман янгыннары үзәге» нең төбәк диспетчерлык хезмәтенә: 8 (843) 221-37-95.