Районның террорчылыкка каршы комиссиясенең киңәйтелгән утырышы узды.

Район прокуроры, Федераль куркынычсызлык хезмәте хезмәткәре, авыл җирлекләре башлыклары катнашында район башлыгы рәислегендә районның террорчылыкка каршы комиссиясенең киңәйтелгән утырышы уздырылды. Утырыш көн тәртибенең төп мәсьәләләре-куркынычсызлыкны тәэмин итү һәм террорчылык актларын кисәтү. ММПЛ объектларының террорчылыкка каршы сакланышы, урман хуҗалыгы өлкәсендә куркынычсызлык буенча алып барылган эш, авыл җирлекләре территориясендә террорчылыкны һәм экстремизмны профилактикалау буенча эш мәсьәләләре каралды. Утырышка йомгак ясап, район башлыгы , террорчылыкка каршы комиссия рәисе һәркем җаваплылыкны истә тотарга тиешлеген билгеләп үтте. Халык белән даими рәвештә мәгълүмати-пропаганда чаралары үткәрергә кирәк. Яшүсмерләргә һәм аларның мәшгульлегенә, патриотик тәрбиягә игътибар итәргә кирәк. Барлык катнашучыларга районның террорчылыкка каршы комиссиясе кабул иткән карарны үтәмәгән яки бозган өчен җаваплылык турында искә төшерделәр административ хокук бозулар турында Татарстан Республикасы кодексының 2.15 статьясы нигезендә административ штраф салынды.