10 июльдән 9 августка кадәр районда кошчылык объектларының биологик иминлеген тәэмин итү буенча " Чайка" айлыгы узды.

10 июльдән 9 августка кадәр районда кошчылык объектларының биологик иминлеген тәэмин итү айлыгы - "Чайка" узды.  Айлык темасы - районда югары патогенлы кош гриппы барлыкка килүгә һәм таралуга юл куймау. Айлык барышында ветеринария берләшмәсе белгечләре хуҗалыкларда йорт кошлары булган гражданнарны хуҗалыкларда йөреп чыктылар, әлеге авыруны профилактикалау буенча мәгълүмат җиткерделәр һәм белешмәләр тапшырдылар. Кош сатып алучылар белән башка төбәкләрдән кош-корт китерү кагыйдәләрен аңлату буенча очрашулар оештырылды. Шулай ук кыргый кош-кортны эзләү максаты белән даими рәвештә сулыкларны йөреп чыктылар. Кош-корт Гриппы - аеруча куркыныч вируслы авыру, ул кош-кортның массакүләм үлеменә һәм кошның озак вакытлы вируслы булуына китерә. Профилактиканың төп чарасы - әлеге яман чирне имин булмаган урыннардан кертүне булдырмау.