Юл хәрәкәте иминлеген тәэмин итү комиссиясенең киңәйтелгән утырышы.

Бүген ТР буенча ЭЭМ ЮХИДИ юл-патруль хезмәтенең аерым махсуслаштырылган батальоны командиры Исмәгыйлев Айрат Ринат улы катнашында Аксубай муниципаль районы башлыгы рәислегендә юл хәрәкәте иминлеген тәэмин итү комиссиясенең киңәйтелгән утырышы узды. Утырышта катнашучылар-авыл җирлекләре башлыклары, район учреждениеләре һәм хезмәтләре җитәкчеләре берничә мәсьәлә буенча фикер алыштылар: -2023 елның узган чорында Аксубай муниципаль районы территориясендә аварияләрнең торышы турында мәгълүмат. ✅ Мәктәп автобусларының техник торышын тикшерүне гамәлгә ашыру турында. -Муниципаль юл фонды акчалары хисабына чараларны гамәлгә ашыру, җирле әһәмияттәге юлларны ремонтлау барышы турында. -Җәйге каникуллар чорында БДД буенча профилактик чаралар үткәрү нәтиҗәләре, гомуми белем бирү оешмаларының яңа уку елына әзерлеге турында. -Аксубай районы территориясендә төбәк әһәмиятендәге автомобиль юлларын ремонтлау барышы турында. -Аксубай шәһәр тибындагы бистәнең мәгариф оешмаларына якын территорияләрнең урам-юл челтәрен тикшерү турында -Районда балалар юл-транспорт травматизмын профилактикалауны оештыру, балалар катнашында юл-транспорт һәлакәтләрен анализлау, мәгариф оешмалары янында юл-урам челтәрен тикшерү нәтиҗәләре турында. -Татарстан Республикасында юл хәрәкәте иминлеген тәэмин итү эшчәнлеге нәтиҗәләре һәм Аксубай районында авариялелек торышы турында. Киңәшмә тәмамлангач, Айрат Исмәгыйлев Татарстан Республикасы һәм Аксубай районы территориясендә юл-транспорт хәле турында сөйләде, шулай ук комиссия эшен бәяләде һәм юл-транспорт травматизмын профилактикалауга зур өлеш кертелүен билгеләп үтте. Камил Гилманов юл хәрәкәте иминлеген тәэмин итү турындагы Указны һәм карарны үтәү буенча системалы эшне дәвам итәргә, урам-юл челтәрен тотуда ачыклана торган кимчелекләрне бетерү чараларын күрергә, тизлек режимын үтәүне тикшерү өчен рейдлар үткәрергә, пассажирлар (шул исәптән балаларны) йөртүче предприятиеләр эшчәнлеген контрольдә тотуны көчәйтергә, юл-транспорт һәлакәтләренең һәр факты буенча тикшерүләр үткәрүне тәэмин итәргә йөкләмә бирде балалар һәм яшүсмерләр катнашында өстәмә профилактик эш оештыру өчен, вакыйгада катнашучыларның категориясен исәпкә алып.