Бүген районның террорчылыкка каршы комиссиясе утырышы узды.

Район башлыгы рәислегендә Федераль куркынычсызлык хезмәте хезмәткәре, район прокуроры урынбасары катнашында районның террорчылыкка каршы комиссиясе утырышы уздырылды. Утырыш көн тәртибенең төп мәсьәләләре-Республика көне, Белем көне, җирле үзидарә вәкиллекле органнарына өстәмә сайлаулар әзерләү һәм үткәрү, терроризмга каршы көрәштә теләктәшлек көне вакытында террорчылыкка каршы яклауны тәэмин итү. Утырыш барышында әлеге чараларны үткәрү планлаштырылган объектларның иминлеген тәэмин итү буенча күрелә торган чаралар тикшерелде. Көч структуралары вәкилләре бу юнәлештә алып барылган эш турында хәбәр иттеләр. Район башлыгы ведомствоара хезмәттәшлекне таләп итүче эшне оештыру мәсьәләләре буенча берничә йөкләмә һәм тәкъдимнәр бирде.