Яшүсмерләр командалары арасында футбол буенча ТР беренчелеге нәтиҗәләре.

2012-2013 елларда яшүсмерләр командалары арасында футбол буенча Татарстан Республикасы беренчелегенең финал этабы тәмамланды.ярышларда җиңүче булу хокукы өчен Аксубай, Актаныш, Арча, Әлки, Буа, Минзәлә районнарыннан 6 команда көрәште. Ярышларның соңгы көнендә "Аксу" командасы Актаныш районы спортчылары белән очрашты. Беренче тайм башында безнең якта уңыш булды, егетләр, үз осталыкларын күрсәтеп, бер-бер артлы 2 гол керттеләр. Ләкин безнең көндәшләр активлашты һәм уен ахырына 4 туп кертә алдылар. 2:4 исәбе белән Актаныш командасы җиңде. Буа һәм Аксубай районнары арасындагы очрашу 4: 1 исәбе белән безнең спортчылар файдасына тәмамланды. Егетләр бердәм уен, спорт дәрте, җиңү теләген күрсәттеләр. Барлык уеннар нәтиҗәләре буенча Аксубай районы командасы ярышларның бронза призеры булды, көмеш медальне Актаныш районы командасы яулады, алтын кубок-Минзәлә районы. Футбол сезонына йомгак ясап, тренер Александр Лодоркинның эшен билгеләп үтәргә кирәк. "С" дивизионы (дивизионнарга бүлү район халкының санына бәйле) яшүсмерләр командалары арасында футбол буенча ТР Беренчелегенең өч яшь төркеме дә зона уеннары нәтиҗәләре буенча финалга чыкты. Җиңүләр, җиңелүләр, балалар күз яшьләре, кертелгән голлардан шатлыклар булды: ирешкән уңышларыгызда тукталып калмаска телибез.