Администрация хезмәткәрләре һәм оешма җитәкчеләре грипптан прививка ясаттылар.

Грипп һәм сулыш авыруларын профилактикалауның иң эффектив чарасы-вакцинация. Аксубайда поликлиникада гриппка каршы прививка ясатырга була. Шулай ук заявкалар буенча медицина бригадаларының поселок эшче коллективларына чыгуы мөмкин. Аксубай бистәсе администрациясе хезмәткәрләре һәм оешма җитәкчеләре мондый мөмкинлектән файдаланып, коллектив рәвештә вакцинация үттеләр. Район башлыгы Камил Гилманов беренчеләрдән булып гриппка прививка ясады һәм бүгенге көндә оешма, учреждение һәм предприятие хезмәткәрләре эш урынында ук вакцина ала алсын өчен барлык кирәкле шартлар тудырылуын билгеләп үтте.    Прививка ясатырга шулай ук Аксубай үзәк район хастаханәсендә дә мөмкин. Моның өчен участок табибы-терапевтына мөрәҗәгать итәргә кирәк. Прививка ясау кабинетлары көн саен Дүшәмбедән җомгага кадәр 8.00 сәгатьтән 15.00 сәгатькә кадәр Мазилин урамы, 41 йорт адресы буенча эшли.

  Табиблар билгеләп үткәнчә, сентябрь - грипп сезоны дәвамында иммунитет булдырырга өлгерү өчен вакцинация өчен иң яхшы вакыт. Грипп прививкасыннан соң тулы иммунитетка ирешү өчен ике атна кирәк. Бу вакыт эчендә грипп һәм башка вируслы авырулар билгеләре булган кешеләр белән элемтәләрне чикләргә һәм аралашуны булдырмаска кирәк