Район башлыгы коррупциягә каршы эшне координацияләү буенча комиссия утырышын уздырды.

Аксубай муниципаль районы башлыгы рәислегендә, район прокуроры, комиссия әгъзалары катнашында коррупциягә каршы тору эшен координацияләү буенча комиссиянең чираттагы утырышы узды. Берничә мәсьәләне тикшерделәр һәм үтәү буенча карарлар кабул иттеләр. Көн тәртибенә район эшчәнлегенең төрле өлкәләрендә коррупция күренешләренә ничек юл куймаска дигән сораулар чыкты. –Республикада, Безнең районда коррупциягә каршы тору мәсьәләләре буенча күп эшләр башкарыла, әмма аның чагылышлары булырга мөмкин, - дип билгеләп үтте комиссия рәисе-район башлыгы Камил Гилманов Комиссиядә әйтелгәнчә, 2023 елның беренче яртыеллыгында гына да Татарстанда коррупция юнәлешендәге җинаятьләр кылган өчен 343 кеше хөкем ителгән, 137 кеше төрле срокка ирегеннән мәхрүм ителгән. Киң таралган җинаятьләр арасында хезмәт вәкаләтләрен дөрес кулланмау юлы белән урлау (147 кеше), ришвәт алу (91 кеше), хакимиятне яки хезмәт вәкаләтләрен дөрес кулланмау (41 кеше), хакимиятне яки хезмәт вәкаләтләрен арттыру (35 кеше), ришвәт бирү (20 кеше) һәм башкалар. Дәүләт (муниципаль) ихтыяҗлары өчен товарлар, эшләр һәм хезмәтләр сатып алуны гамәлгә ашырганда ачыклык, намуслы конкуренция һәм объективлыкны тәэмин итү мәсьәләсе көн тәртибенә чыгарылды. Муниципаль милек белән идарә итү буенча эшнең торышы, җир кишәрлекләрен сату һәм арендага бирүнең нәтиҗәлелеге, Җир һәм мөлкәт мөнәсәбәтләре палатасы эше турында сөйләделәр. Муниципаль хезмәткәрләр, муниципаль вазыйфаларны биләүче затлар, муниципаль учреждениеләр җитәкчеләре тарафыннан 2022 елда керемнәр, чыгымнар, мөлкәт һәм мөлкәти характердагы йөкләмәләр турында мәгълүмат бирү буенча күпфункцияле үзәк эше турында фикер алыштылар