Өлкәннәр көненә багышланган декада кысаларында Аксубай үзәк китапханәсендә «Туган ягым, Аксубай»әдәби дилижансы узды.

Чарада “Нежность” халыкка социаль хезмәт күрсәтүнең комплекслы үзәгендә пенсия яшендәге ир-атлар һәм хатын-кызлар катнашты. Китапханә хезмәткәрләре килүчеләрне бер тукталыштан икенчесенә озатты: «Аксубай! Аксубай!» (район тарихы). "Зирәклек храмы" (100 еллык китапханә тарихы). «Кадерле якташларыбыз» (төбәкнең күренекле кешеләре исемнәре). «Чишмәләр, сез минем чишмәләр!» (чишмәләр турындагы риваятьләр: «Изге чишмә», «Ольгин родник», «Рәшит», «Кара чишмә», «Рәхилә чишмәсе», «Палан» һәм башкалар. Кичә кунакларына Аксубай крае тарихы һәм китапханә эше тарихы буенча үзләренең интеллектуаль багажын тулыландыру мөмкинлеге бирелде.