Алексеевск районында "цифрлаштыру һәм заманча технологияләр кертү юлы белән терлекчелек продукциясен җитештерүнең нәтиҗәлелеген арттыру"зона семинар - киңәшмәсе узды.

Семинарда республиканың Кама аръягы зонасы терлекчелеге белгечләре катнашты. Семинарда терлекчелек җиһазлары, катнаш азык , премикслар, ветеринария препаратлары җитештерүчеләр һәм тәэмин итүчеләр күргәзмәсе тәкъдим ителде, авыл хуҗалыгы хайваннарын цифрлаштыру һәм ясалма орлыкландыру буенча алдынгы технологияләр тәкъдим ителде. Пленар өлешендә Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин семинарда катнашучыларны хайваннар һәм кошларның аеруча куркыныч авырулары белән җентекләп таныштырды, терлекчелек һәм кошчылык объектларының биологик сакланышын көчәйтү өчен кирәкле шартларны атады. Шулай ук авыл хуҗалыгы хайваннарын идентификацияләү, сыерларны ташлау һәм бозауларны саклау мәсьәләләрен яңгыратты.