Мәгълүмат тактасын кую, элмә такталарны урнаштыру дизайн-проектын килештерү.

Билгене килештерү җиңелрәккә әйләнде. Татарстан Республикасы территориясендә (шул исәптән районда да) мәгълүмат урнаштыру чараларын (вывескаларны) урнаштыруны килештерү буенча электрон рәвештә хезмәт күрсәтелде. Хезмәт Татарстан Республикасы дәүләт һәм муниципаль хезмәтләр порталында һәм Россия дәүләт һәм муниципаль хезмәтләр Порталында бар. Исегезгә төшерәбез, мәгълүмат урнаштыру чаралары – мәгълүмат тарату өчен билгеләнгән конструкцияләр, техник җайланмалар, сәнгать элементлары һәм башка чаралар. Мәсәлән, оешманың кайда урнашуы, логотибы, эш режимы, сатыла торган товар төрләре турында мәгълүмат, реклама конструкцияләреннән тыш. Мәгълүмати конструкцияне урнаштыру өчен муниципаль хезмәт алу өчен, беренче чиратта, административ регламент таләпләренә туры китереп рәсмиләштерелгән мәгълүмат урнаштыру чарасының дизайн-проектын эшләү зарур.   Мәгълүмат урнаштыру чараларын килештерү буенча муниципаль хезмәт бушлай күрсәтелә. Мәгълүмати конструкцияләрне реклама конструкцияләре белән бутамаска кирәк. Сатыла торган товарларның характеристикалары, оешма тарафыннан үткәрелгән акцияләр һәм/яки ташламалар турында мәгълүмат, төрле лозунглар, яки билгеле бер зат яки товар турында башка мәгълүмат булган конструкцияләр реклама характерындагы мәгълүматлар булган элмә такталар буларак бәяләнергә мөмкин. Мондый конструкцияләргә "реклама турында" 2006 елның 13 мартындагы 38-ФЗ номерлы Федераль закон таләпләре кагыла һәм аларны килештерү өчен «реклама конструкцияләрен урнаштыруга һәм эксплуатацияләүгә рөхсәтләр бирү»аерым хезмәте бар.