Район делегациясе авыл хуҗалыгы һәм эшкәртү сәнәгате хезмәткәрләре көненә багышланган тантаналы чарада катнашты.

Бүген район башлыгы Камил Гилманов җитәкчелегендәге Аксубай муниципаль районы делегациясе авыл хуҗалыгы һәм эшкәртү сәнәгате хезмәткәрләре көненә багышланган Татарстан Республикасы Рәисенең тантаналы кабул итүендә катнашты. Чара Казанда «Корстон» ДТРК мәйданчыгында узды, анда республиканың авыл хуҗалыгы тармагының иң яхшы белгечләре – игенчеләр, терлекчеләр, механизаторлар, фермерлар, алдынгы районнар җитәкчеләре, иң яхшы белгечләр, тармак ветераннары җыелды.