«Хыял " социаль приютында тәрбияләнүчеләр өчен яңа ел бәйрәме.

Ел саен Аксубай муниципаль районының «Хыял» социаль приютында тәрбияләнүчеләр Кыш бабайга хатлар язалар. Казан шәһәренең «игелекле эш» Төбәк иҗтимагый оешмасының Хәйрия фонды һәм аның оештыручылары – күп балалы ата-аналар Иван һәм Екатерина Кураповлар ярдәмендә балаларның хыяллары чынга аша. Быел, татлы бүләкләрдән тыш, алар «Кыш Бабайга хат»акциясе кысаларында исемле бүләкләр алып килделәр. Бу уенчыклар, гитара, синтезатор һәм башка бик күп нәрсәләр. Бәйрәмдә район башлыгы Камил Гилманов катнашты. Ул коллективны һәм тәрбияләнүчеләрне котлады, яңа елда чиксез бәхет теләде. Балаларга бүләкләр бирү инде яхшы традициягә әверелде. Камил Гилманов приютка йомшак инвентарь һәм тәрбияләнүчеләр өчен караватлар бүләк итте.Аксубай һәм Яңа Чишмә районнары буенча муниципаль-ара бүлек башлыгы Лилия Сәхабетдинова да буш кул белән килмәде. Ул балаларга сәламәтлек, уңышлар, ә балаларны карарга килгән ата - аналарга үз балаларын яратырга һәм кадерләргә теләде.