Бүген районның терлекчелек хуҗалыкларында кышкы тотрыклы чор гадәти режимда уза.

Район башлыгы Камил Гилманов авыл хуҗалыгы идарәсе белгечләре белән берлектә кышлау барышы һәм терлек асрау шартлары белән танышу өчен берничә авыл хуҗалыгы җитештерүчесе белән очрашты. Терлекләрне кышлау терлекчелек тармагында мөһим чор булып тора. Гомумән, район буенча җәйге чорда азык җитәрлек күләмдә әзерләнгән. Концентратлар һәм минераль өстәмәләр кирәк булганда сатып алына. Барлык хуҗалыкларда да хайваннарга тиешле туклану рационы тәэмин ителгән. Эш процессы барышында килеп туган проблемалар оператив хәл ителә. Районның УСХиП мәгълүматлары буенча барлык категориядәге хуҗалыкларда 8149 баш эре мөгезле (103%) бар , шуларның 4117 баш сыер. Бер ел эчендә 28012 тонна сөт җитештерелгән (115 %), сыерга җитештерүчәнлек 6891 кг тәшкил иткән.ит 1169 тонна (116%) җитештерелгән, уртача тәүлеклек артым 831 грамм тәшкил иткән.⁣ "АксуАгро" ҖЧҖнең нәтиҗәле эшен билгеләп үтәргә кирәк, анда алдынгы технологияләрне кертү нәтиҗәсендә сыерларның продуктлылыгы бер сыерга 9854 кг тәшкил итә. Чистай холдинг компаниясенең "Молко" ҖЧҖендә сөт саву залында 450 башка исәпләнгән 3 сыер абзарын модернизацияләү һәм 542 баш токымлы таналар китерү хисабына узган елгы дәрәҗәгә карата сөт җитештерү 7820 тонна (113%) тәшкил итте.