Физика буенча республика олимпиадасының йомгаклау этабы призеры.

2024 елның 16-18 гыйнварында Татарстан Республикасы Мәгариф һәм фән министрлыгының «Республика олимпиада үзәге» ДАССОның «Дуслык» сәламәтләндерү-белем бирү комплексы базасында Татарстан Республикасы гомуми белем бирү оешмаларының 7-11 сыйныф укучылары өчен физика буенча «Олимпка юл» республика укучылар олимпиадасының йомгаклау этабы үткәрелде. Олимпиадада Татарстан Республикасының 38 муниципаль районыннан 148 гомуми белем бирү оешмасы катнашты. Олимпиадада катнашучыларны компетентлы жюри бәяләде, аның составына «Казан (Идел буе) федераль университеты» югары һөнәри белем бирү ФДАМУ һәм «А.Н.Туполев-КАИ исемендәге Казан милли тикшеренү техник университеты» югары һөнәри белем бирү ФДБМУ профессорлар-укытучылар составы хезмәткәрләре, жюри рәисе, физика-математика фәннәре докторы, профессор К(П)ФУ профессоры Илгиз Гатуф улы Галиев керде. Республика олимпиадасының йомгаклау этабы нәтиҗәләре буенча «Иске Ибрай урта гомуми белем бирү мәктәбенең» 9 нчы сыйныф укучысы Сафиуллина Айсылу призер булды! Укытучы физика укытучысы Мотыгуллин Шамил Нургали улы. Котлыйбыз! Физика өлкәсендә алга таба да уңышлар телибез!