Агымдагы атна башыннан гражданнарның традицион җыеннары башланды.

Узган елда башкарылган эшләр турында беренчеләрдән булып  Иске Илдерәк  һәм Иске Кармәт авыл җирлекләре башлыклары хисап тоттылар һәм 2024 елгабурычларын билгеләделәр. Алардан соң Савруш һәм Урмандеево авыл җирлекләре башлыклары эшләренә нәтиҗә ясадылар һәм агымдагы елга планнар билгеләделәр.⁣ Бүген үз халкы алдында Иске Татар-Адәмсуы һәм Емелькино авыл җирлекләре башлыклары чыгыш ясады. Хисап утырышлары барышында башлык урынбасары Илшат Заһидуллин, район Башкарма комитеты җитәкчесе Станислав Зайцев, барлык хезмәтләр һәм ведомстволар вәкилләре, депутатлар һәм торак пунктларда яшәүчеләр катнашты. Кызыксындырган сораулар бирелде, халыкның барлык объектив мөрәҗәгатьләре аерым контрольгә алынды.